Redmi Note 5 Pro: அப்படியா சேதி! தீபாவளிக்கு ஜியோமி ரெட்மி நோட் 5 புரோ ரூ.749 வரை குறைப்பு!

Share:
தீபாவளி பண்டிகையை முன்னிட்டு ஜியோமி நிறுவனம் பல்வேறு சலுகைகளில் செல்போன் உள்ளிட்ட பொருட்களை விற்பனை செய்து வருகிறது. 
xiaomi redmi note 5 pro sells for rs 749 in flipkart big diwali sale
தீபாவளியை முன்னிட்டு இணையதள வணிக நிறுவனங்கள் போட்டிப்போட்டுக் கொண்டு எலக்ட்ரானிக் பொருட்களை விற்பனை செய்து வருகின்றன. மக்களை கவரும் வண்ணம் அடுக்கடுக்கான சலுகைகளும் அறிவிக்கப்பட்டு அதன்படி விற்பனையும் நடைபெறுகிறது. அந்த வகையில், மற்ற செல்போன் நிறுவனங்களுக்கு போட்டியாக இருக்கும் மிகவும் பிரபலமான எம்.ஐ நிறுவனம் ஜியோமி ரெட்மி நோட் 5 புரோ மொபைலுக்கு ரூ.749 வரை தள்ளுபடி செய்யப்பட்டுள்ளது. 

வருகிறது ரெட்மி நோட் 6 ப்ரோ– விலை, சிறப்பம்சங்கள் இதோ

தீபாவளி சேல்: 1 ரூபாய்க்கு செல்போன் வழங்கும் ஜியோமி நிறுவனம்+


இந்த மாதத்தின் தொடக்கம் முதல் 5ம் தேதி வரை இந்த தள்ளுபடி செல்லுபடியாகும் என்பது குறிப்பிடத்தக்கது. ரெட்மி நோட் 5 புரோ மொபைலின் பல்வேறு மாடல்களுக்கு ரூ.2000 வரை தள்ளுபடி செய்யப்பட்டுள்ளது. இந்த தள்ளுபடியைத் தொடர்ந்து 4 ஜிபி ரேம் கொண்ட மாடலானது ரூ.14,999 லிருந்து ரூ.12,999 ஆக விலை குறைக்கப்பட்டுள்ளது. இதே போன்று 6 ஜிவி ரேம் கொண்ட மாடலானது ரூ.16,999 லிருந்து ரூ.14,999 ஆக விலை குறைப்பு செய்யப்பட்டுள்ளது.

இப்படியெல்லாம் விலை குறைக்கப்பட்ட நிலையில், ஆன்லைன் வர்த்தக நிறுவனமான பிளிப்கார்டில் மொபைல் போன் எக்சேஞ்ச் என்ற பெயரில் ரெட்மி நோட் 5 புரோ அதன் ஒரிஜினல் விலையிலிருந்து ரூ.750 வரை தள்ளுபடி செய்யப்பட்டுள்ளது. இதன் காரணமாக 4ஜிபி ரேம் கொண்ட ரெட்மி நோட் 5 ரூ. 12, 250க்கு விற்பனை செய்யப்படுகிறது. இதுவே 6 ஜிபி ரேம் கொண்ட மொபைலுக்கு ரூ.1,149 வரை தள்ளுபடி செய்யப்பட்டு ரூ.13,850க்கு விற்பனை செய்யப்படுகிறது. இது வெறும் எக்ஸ்சேஞ்ச் ஆஃபர் மட்டுமே. 

ரூ.12,250 மதிப்பு கொண்ட மொபைல் போன் வாங்குவதற்கு உங்களிடமுள்ள சாம்சங் கேலக்சி நோட் 8 மொபைலை எக்சேஞ்ச் செய்து பெற்றுக்கொள்ளலாம். அப்படியெல்லாம் சாம்சங் மொபைல் இல்லாதவர்கள், கிரெடி கார்டு மூலம் ரூ.2000 வரை தள்ளுபடி விலையில் ரெட்மி நோட் 5 புரோ பெற்றுக்கொள்ளலாம் என்பது குறிப்பிடத்தக்கது. 

எஸ்.பி.ஐ கிரெடிட் கார்டு வைத்திருப்பவர்கள் 4ஜிபி ரேம் கொண்ட ரெட்மி நோட் 5 புரோ மொபைல் போனை ரூ.11,700க்கும், 6 ஜிபி ரேம் கொண்ட மொபைல் போனை ரூ.13,500க்கும் பெற்றுக்கொள்ளலாம் என்பது குறிப்பிடத்தக்கது.