விண்டீஸை வெள்ளையடித்து அனுப்பிய இந்தியா: இமாலய வெற்றி பெற்று அசத்தல்!

Share:
இந்தியா வந்துள்ள விண்டீஸ் அணி, 2 டெஸ்ட், 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. ராஜ்கோட்டில் நடந்த முதல் டெஸ்டில் இந்திய அணி ஒரு இன்னிங்சில் 272 ரன்கள் வித்தியாசத்தில் வென்றது. 

இந்நிலையில் இரு அணிகள் மோதும் இரண்டாவது டெஸ்ட் போட்டி இன்று ஹைதராபாத்தில் நடந்தது. முதல் இன்னிங்சில் விண்டீஸ் அணி, 311 ரன்களுக்கு ஆல் அவுட்டானது. இரண்டாவது நாள் ஆட்ட நேர முடிவில், இந்திய அணி முதல் இன்னிங்சில் 4 விக்கெட்டுக்கு 308 ரன்கள் எடுத்திருந்தது. ரகானே (75), பண்ட் (85) அவுட்டாகாமல் இருந்தனர். 




மீண்டும் தவறவிட்ட பண்ட்: 
இதையடுத்து மூன்றாவது நாள் ஆட்டத்தில், முதல் இன்னிங்சை தொடர்ந்த இந்திய அணிக்கு, ரகானே (80) நீண்டநேரம் தாக்குபிடிக்க வில்லை. முதல் டெஸ்டில் சதம் அடிக்கும் வாய்ப்பை தவறவிட்ட பண்ட், இம்முறையும் 92 ரன்னில் வெளியேறினார். 



அடுத்து வந்த ரவிந்திர ஜடேஜா ‘டக்’ அவுட்டானார். குல்தீப் யாத்வ் (6), உமேஷ் யாதவ் (2) ஏமாற்றினர். அஷ்வின் (35) ஓரளவு கைகொடுக்க, இந்திய அணி 367 ரன்களுக்கு ஆல் அவுட்டானது. 

உமேஷ் அசுர வேகம்: 
இதையடுத்து 56 ரன்கள் பின்தங்கிய நிலையில் இரண்டாவது இன்னிங்சை தொடர்ந்த விண்டீஸ் அணி உமேஷ் யாதவின் அசுர வேகத்தில் தடுமாறியது. இவரது வேகத்தில் பிராத்வெயிட் (0), சேஸ் (6), டோவ்ரிச் (0) வெளியேறினர். 



ஹோப் (28), அம்ரிஸ் (38), ஹோல்டர் (19) ஆகியோரை ரவிந்திர ஜடேஜா கவனித்து அனுப்ப, முதல் இன்னிங்சில் சமாளித்த விண்டீஸ், இம்முறை ஆட்டம் கண்டது. பாவெல் (0) மறுபடி அஷ்வின் சுழலில் சிக்கினார். ஹேட்மேயர் (17) குல்தீப்பிடம் சரணடைந்தார். இதையடுத்து இரண்டாவது இன்னிங்சில் விண்டீஸ் அணி, ரன்களுக்கு ஆல் அவுட்டானது. இதன் மூலம் இந்திய அணிக்கு 72 ரன்கள் இலக்காக நிர்ணயித்தது. 

ஜூஜூபி இலக்கு: 
இந்நிலையில் ஜூஜூபி இலக்கை துரத்திய இந்திய அணிக்கு, பிரித்வீ ஷா, ராகுல் சிறப்பான துவக்கம் அளித்தனர். விண்டீஸ் பவுலர்களின் பந்தை நாலாபுறமும் சிதறடித்த இந்த ஜோடி, அணியை மிகச்சுலபமாக வெற்றிப்பாதைக்கு அழைத்துச் சென்றது. 



இதையடுத்து இந்திய அணி இரண்டாவது இன்னிங்சில் விக்கெட் இழப்பின்றி, 75 ரன்கள் எடுத்து 10 விக்கெட் வித்தியாசத்தில் இமாலய வெற்றி பெற்றது. பிரித்வீ ஷா (33), ராகுல் (33) அவுட்டாகாமல் இருந்தனர். இதன் மூலம் இரண்டு போட்டிகள் கொண்ட டெஸ்ட் தொடரையுன் இந்திய அணி 2-0 என முழுமையாக கைப்பற்றியது.