ஸ்மார்ட்ஃபோன் விற்பனையில் ஆப்பிளுக்கு பின்னடைவு... முதலிடத்தில் ஹூவாய்..!!

Share:
உலகளவில் ஸ்மார்ட்ஃபோன் விற்பனையில் அமெரிக்காவின் ஆப்பிள் நிறுவனத்தை பின்னுக்கு தள்ளி சீனாவின் ஹூவாய் நிறுவனம் முதலிடத்தை பிடித்துள்ளது. 

அமெரிக்காவில் இயங்கி வரும் டிஜிட்டல் செயல்பாடுகளை கண்காணிக்கும் ’சர்வதேச தரவுகள் சபை’ (ஐடிசி) சமீபத்தில் ஸ்மார்ட்ஃபோன் விற்பனை பற்றிய ஆய்வை மேற்கொண்டது. 

அதில் நடப்பு நிதியாண்டின் மூன்றாம் காலாண்டில் முடிவுற்ற ஸ்மார்ட்ஃபோன்கள் விற்பனை குறித்து ஆராயப்பட்டது. அதில் இதுவரை விற்பனையில் கலக்கி வரும் அமெரிக்காவின் ஆப்பிள் நிறுவனம் பின்னடைவை சந்தித்துள்ளது. 

இந்த ஆய்வில் சுமார் 5 கோடியே 42 லட்சம் ஃபோன்களை விற்பனை செய்து சீனாவை சேர்ந்த ஹூவாய் நிறுவனம் முதலிடத்தை பிடித்துள்ளது என ஐடிசியின் அறிக்கையில் குறிப்பிடப்பட்டுள்ளது.

huawei set backs apple on smartphone sales
இதன்மூலம், ஹூவாய் நிறுவனம் நிதியாண்டின் மூன்றாம் காலாண்டில் 40.9 சதவீத வளர்ச்சியை எட்டியுள்ளது. இதன் மூலம் ஸ்மார்ட்ஃபோன் விற்பனையில் அமெரிக்காவின் ஆப்பிள் நிறுவனத்தை ஹூவாய் முந்தியது. 

உலகளவில் ஸ்மார்ட்ஃபோன் விற்பனையில் முதலிடத்தில் இருக்கும் ஆப்பிள் நிறுவனம், கணக்கில் எடுத்துக்கொள்ளப்பட்ட மூன்றாம் காலாண்டு விற்பனையில் 4 கோடியே 10 யூனிட்டுகளை மட்டுமே விற்பனை செய்துள்ளதாக தெரிவிக்கப்பட்டுள்ளது.