அமேசான் பிரைமிற்கு போட்டியாக ’பிளிப்கார்ட் பிளஸ்’ - வாரி இறைக்கப்படும் சலுகைகள்!

Share:
பிளிப்கார்ட் பிளஸ் என்ற பெயரில் புதிய சேவை இந்தியாவில் அறிமுகம் செய்யப்படவுள்ளது. இந்தியாவில் 2016ல் அறிமுகமான அமேசான் பிரைமிற்கு விரைவில் போட்டி உருவாக உள்ளது. அமெரிக்காவின் வர்த்தக ஜாம்பவனான அமேசானின் போட்டியாக விளங்கும் பிளிப்கார்ட், புதிய சேவை ஒன்றை அறிமுகம் செய்யவுள்ளது. 

இதற்கு ’பிளிப்கார்ட் பிளஸ்’ என்று பெயரிடப்பட்டுள்ளது. இது அமேசான் பிரைம்போன்றே, பல்வேறு சேவைகளை வழங்க உள்ளது. 

பிளிப்கார்ட் பிளஸ் இலவச சேவை:

அமேசான் பிரைம் போன்று இல்லாமல், சந்தா கட்டணம் ஏதும் கிடையாது. பிளிப்கார்ட் பிளஸ் வழங்கும் சேவை முற்றிலும் இலவசமானது. அமேசான் பிரைமில் ஆண்டு கட்டணம் ரூ.999 வசூலிக்கப்படுகிறது. மாதாந்திர கட்டணமாக ரூ.129 வசூல் செய்யப்படுகிறது. 
flipkart to launch flipkart plus to take on amazon prime date, benefits, eligibility and more
இந்தியாவில் பிளிப்கார்டின் 2வது சேவை 

கடந்த 2014ஆம் ஆண்டு வாடிக்கையாளர் சேவை ஒன்றை பிளிப்கார்ட் அறிமுகம் செய்தது. இதற்கு பிளிப்கார்ட் ஃபர்ஸ்ட் என்று பெயரிடப்பட்டு, கட்டணச் சேவையாக இருந்தது. 

ஆகஸ்ட் 15ல் அறிமுகம் 

பிளிப்கார்ட் பிளஸ் வரும் சுதந்திர தினமான ஆகஸ்ட் 15ல் செயல்பாட்டிற்கு வருகிறது. 

பிளிப்கார்ட் பிளஸின் சலுகைகள் 

* இது அதிவேக மற்றும் இலவச டெலிவரியை அளிக்கிறது 

* முக்கிய விற்பனை நிகழ்வுகளை, முன்னதாகவே பெற முடியும் 

* பெங்களூருவை தலைமையகமாக கொண்டு இயங்கும் பிளிப்கார்ட், தனது வாடிக்கையாளர்களுக்கு சிறப்பான ஒத்துழைப்பை நல்க முடியும் 

* விற்பனையின் போது, பொருட்களை முன்னதாக அணுகும் வாய்ப்பை பெறலாம் 

பிளிப்கார்ட் வழங்கும் டிஜிட்டல் பணம் 

பிளிப்கார்ட் பிளஸ் வாடிக்கையாளர்கள் பிளஸ் காயின்ஸ் என்ற பெயரில் டிஜிட்டல் பணத்தை பெறலாம். இதனை பிளிப்கார்ட் இணையத்தில் பொருட்கள் வாங்கும் போது பெற்றுக் கொள்ளலாம். ஆனால் எந்தவிதமான பொருட்கள் வாங்கினால், பிளஸ் காயின்ஸ் கிடைக்கும் என்று தகவல் வெளியிடப்படவில்லை. இதன்மூலம் Zomato, BookMyShow, MakeMyTrip உள்ளிட்ட சேவைகளில் பயன்படுத்திக் கொள்ளலாம்.