கோவையில் அமலுக்கு வந்த நடத்துநா்கள் இல்லா அரசு பேருந்து சேவை

கோவை மாவட்டத்தில் சோதனை அடிப்படையில் நடத்துநா்கள் இல்லாத அரசு பேருந்து சேவை அறிமுகம் செய்யப்பட்டுள்ளது. 

தமிழக அரசு போக்குவரத்துக் கழகம் மிகுந்து நிதிச்சிக்கலில் சிக்கித் தவிப்பதாக அமைச்சா்கள் உள்பட பல்வேறு தரப்பினரும் தகவல் தொிவித்து வருகின்றனா். இந்நிலையில் நிதிச்சுமையை குறைக்க மேற்கொள்ளப்பட வேண்டிய நடவடிக்கைகள் குறித்து தமிழக அரசு தீவிர ஆலோசனை மேற்கொண்டு வந்தது. இதன் அடிப்படையில் முதல் கட்டமாக பணியாளா்களை குறைக்கும் பட்சத்தில் அரசின் நிதிச்சுமை குறையலாம் என்ற கருத்து முன் வைக்கப்பட்டது. 

இதன் அடிப்படையில் கோவை – சேலம் இடையே இயக்கப்படும் இடைநில்லா பேருந்துகளை நடத்துநா்கள் இல்லாமல் இயக்குவது என்று முடிவு செய்யப்பட்டுள்ளது. சோதனை அடிப்படையில் இந்த சேவை இன்று அமல்படுத்தப்பட்டுள்ளது. கோவையில் இருந்து புறப்படும் இடை நில்லா பேருந்துகளில் ஏறும் பயணிகளிடம் பேருந்து நிலைய வளாகத்திலேயே நடத்துநா் ஒருவா் பயணச்சீட்டுகளை விநியோகம் செய்து விடுவாா். பின்னா் பேருந்து புறப்படுவதற்கு முன் அவா் பேருந்தில் இருந்து இறங்கி விடுவாா். பேருந்தில் ஓட்டுநா் மட்டுமே இருப்பாா். 

4 இடை நில்லா அரசுப் பேருந்துகளுக்கு ஒரு நடத்துநா் என்ற விகிதத்தில் இந்த முறை அமல்படுத்தப்பட்டுள்ளதாக அதிகாரிகள் தொிவித்துள்ளனா். அரசின் இந்த முடிவுக்கு போக்குவரத்துக் கழக பணியாளா்கள் எதிா்ப்பு தொிவித்திருந்தாலும், இத்தகைய புதிய முயற்சிக்கு பொதுமக்கள் வரவேற்பு தொிவித்துள்ளனா்.
சோதனை முயற்சி வெற்றி பெறும்பட்சத்தில் மாநிலம் முழுவதும் இந்த முறை விரிவுபடுத்தப்படும் என்று அதிகாாிகள் தொிவித்துள்ளனா்.

No comments:
Write Post a Comment
Recommended Posts × +