காலா: தனித்து விடப்பட்டாரா ரஜினிகாந்த்?

Share:
ரஜினிகாந்தின் காலா படம் கர்நாடகாவில் திரைக்கு வருமா? வராதா? என்ற நிலையில், யாருமே அவருக்கு பரிந்துரைத்து கர்நாடகா அரசுடன் பேசாதது அவர் இந்த விஷயத்தில் தனித்து விடப்பட்டாரா என்ற சந்தேகத்தை எழுப்பியுள்ளது. 

நாடு முழுவதும் காலா வரும் 7 ஆம் தேதி வெளியாகிறது. தமிழகத்தில் மட்டும் 500க்கும் மேற்பட்ட திரையரங்குகளில் காலா வெளியாகும் எனத் தெரிய வந்துள்ளது. அமெரிக்காவில் 320க்கும் அதிகமான இடங்களில் நாளை, ஜூன் 6ஆம் தேதி வெளியாகிறது. 

இந்த நிலையில் கர்நாடகாவில் மட்டும் காலா படம் திரையிடுவதில் சிக்கல் எழுந்துள்ளது. இதற்கிடையே நேற்று கர்நாடகா மாநிலம் சென்று அந்த மாநில முதல்வரிடம் காவிரி நீர் பற்றி மட்டுமே பேசப்பட்டது என்று மக்கள் நீதி மய்யத்தின் தலைவர் கமல் ஹாசன் தெரிவித்து இருந்தார். காலா படம் கர்நாடகாவில் திரையிடுவது குறித்து பேசினீர்களா என்று செய்தியாளர்கள் கேட்டபோது, ‘’நீரை விட திரைப்படம் முக்கியம் இல்லை’’ என்று கமல் ஹாசன் கூறினார். 

கர்நாடகா முதல்வர் குமாரசாமி, ‘’நாங்கள் பேசியது வேறு’’ என்று கூறும்போதே குறுக்கிட்ட கமல் ஹாசன், ‘’ஒரு வார்த்தை கூட அதுகுறித்து பேசவில்லை. அதற்கு திரைப்பட வர்த்தக சபை இருக்கிறது. அது பார்த்துக் கொள்ளும்’’ என்றார்.

No comments