மதுரை எய்ம்ஸ் மருத்துவமனை- தமிழக அரசிற்கு விதிக்கப்பட்ட 5 நிபந்தனைகள்

Share:

மதுரை தோப்பூரில் எய்ம்ஸ் மருத்துவமனை அமைக்க தமிழக அரசுக்கு, மத்திய சுகாதாரத்துறை அமைச்சகம் 5 நிபந்தனைகளை விதித்துள்ளது. 

தமிழ்நாட்டில் 5 இடங்களில் நடத்தப்பட்ட ஆய்வைத் தொடர்ந்து, மதுரையில் உள்ள தோப்பூரில் ரூ. 1500 கோடி செலவில் எய்ம்ஸ் மருத்துவமனை அமைக்க அறிவிக்கப்பட்டுள்ளது. 

இந்நிலையில், தோப்பூரில் அமையும் எய்ம்ஸ் மருத்துவமனைக்காக மத்திய சுகாதாரத்துறை அமைச்சகம், தமிழக அரசிடம் 5 திட்டங்களை உடனே நிறைவேற்றும்படி நிபந்தனைகளை விதித்துள்ளது. 


அதன்படி விவரங்கள் பின்வருமாறு:1.) எய்ம்ஸ் மருத்துவமனை கட்டப்படும் இடத்தில் 4 வழிச்சாலை அமைக்க வேண்டும். அந்த சாலை தேசிய நெடுஞ்சாலையுடன் இணைக்கப்பட வேண்டும். 

2.) 2 வழித்தடங்கள் மூலம் 20 மெகாவாட் மின் வசதி ஏற்படுத்த வேண்டும். குறைந்த உயர மின் கம்பங்களை வேறு இடங்களுக்கு மாற்ற வேண்டும். 

3.) எய்ம்ஸ் மருத்துவமனை மற்றும் அதனை சுற்றியுள்ள பகுதிகலுக்கு போதிய குடிநீர் வசதி அமைக்க வேண்டும். 

4.) மருத்துவமனை அமைப்பதற்கான 300 ஏக்கர் நிலம் மற்றும் மின்மாற்றிகளை தாமதமின்றி கையகப்படுத்தி சுகாதாரத்துறையிடம் ஒப்படைக்க வேண்டும். 

5.) எய்ம்ஸ் மருத்துவமனை அமையும் வழியாக ஐ.ஓ.சி எண்ணெய்க் குழாய் செல்வதை உறுதி செய்யும் பொருட்டு, இந்தியன் ஆயில் நிறுவனத்திடம் ஒப்பந்தம் மேற்கொள்ளப்பட வேண்டும். 

என சுகாதாரத்துறை அமைச்சகம் தமிழக அரசிற்கு நிபந்தனைகளை பிறப்பித்துள்ளது.

No comments